CCI-TL hamutuk ho USAID’s selebra Momerandu Entendimentu (MOU)

Notisia Hare nain: 909

Dili – Loron Quarta-feira, 13 de Fevereiro 2019 - Câmara de Comércio e Indústria de Timor Leste hamutuk ho USAID’s selebra Momerandu Entendimentu (MOU), iha Timor Plaza, Dili.

Iha seremonia refere, Presidente CCI-TL Sr. Oscar Lima hateten katak Asina MOU ida ne’e hodi promove koperasaun entre CCI-TL no USAID’s no foka prioridade liu ba iha setor Turismu.

Presidente CCI-TL, Sr. Oscar Lima realsa katak setor turismu iha Timor-leste ba setor publiku, setor privadu no parseria sira hotu, setor privadu husu ba Governu politika saida mak CCI-TL servisu hamutuk ho USAID’s atu nune’e bele dezenvolve setor turismu ho diak liu tan.

Objektivu husi Asina Mou ida ne’e, foka liu ba setor turismu iha Timor-este, hodi ka’olia konaba setor privadu, setor publiku no parseria, hanoin katak ko’alia konaba turismu ita tenke fila fali ba kotuk saida mak turismu iha no konaba turismu iha setor privadu, ita hotu hatene katak ita nia Governu preakupa tebes no komesa halo ona dezenvolvimentu  infrastrutura iha Timo-Leste ne’ebe hakarak atu investe.

Konaba turismu saida mak ita bele halo atu nune’e hodi atrai turista sira ne’ebe mai, turista mai timor kuaze barak tebez. Setor privadu hakarak husu, politika saida mak Governu Timor-Leste adapta atu ba turismu, no turismu saida mak ita atu avansa ba Timor-Leste. CCI-TL servisu hamutuk ho USAID’s hakarak atu halo levantamentu ou estudu ida konaba turismu saida mak ita atu halo iha Timor-Leste no iha fatin barak tebes hanesan Atauro, Ramelau no seluk tan, atu nune’e bele atrai ita nia turista sira ne’ebe mai Timor-Leste.

Sua Execelensia Secretario Estado SEFOPE, Sr. Julião da Silva hateten katak Seremonia ida ne’e organiza husi USAID’s Oinsa atu bele halo parseiru ho setor privadu no setor publiku sira hotu no oinsa atu  bele dezenvolve setor turismu iha Timor-Leste, no atu halo diak liu tan presija involve setor privadu sira no Parseiru sira hotu no kontinua atu hadia liu tan fatin turismu. Iha Timor-Leste ne’e riku tebes ho fatin turismu hanesan taxi, kultura ne’ebe diak tebes no seluk tan, no iha VIII Governu Konstituisional nia hanoin atu oinsa atu promove diak liu tan setor turismu iha Timor-Leste, atu nune’e bele atrai liu tan ita nia turista sira.

Embassador Amerika, Sra. Kathleen M. Fitzpatrick hateten katak USAID’s nia projetu turismu ba ema hotu, ho nune’e hodi fo informasaun ba ema ne’e konaba parseiru publiku privadu no sira atu ajuda Timor-Leste atinzi iha setor turismu, atu dezenvolve turismu iha Timor-Leste, no USAD’s nia projetu tirismu atu apoio dezenvolvimentu no sustentavel. Objektivu husi Governu Timor-Leste oinsa atu hasae ou atrai diak liu tan turista ne’ebe mai vizita iha Timor-Leste .

Seremonia ida ne’e hala’o Timor Plaza, Suai Room, Dili

Media CCI-TL, Merry Fernandes

Imprimir