CCI-TL simu Vizita Kortezia husi S. E. Secretario Estado SEFOPE Sr. Julião da Silva.

CCI-TL, Loron Quarta-feira, 6 Februari 2019

Presidente CCI-TL hamutuk ho Vice Presidente sira hotu simu Vizita Kortezia husi S. E. Secretario Estado SEFOPE Sr. Julião da Silva. Iha vizita kortezia ida ne’e presidente CCI-TL Sr. Oscar Lima ho ninia vice sira sente kontente tebes no vizita husi Secretario Estado SEFOPE atu hametin liu tan koperasaun servisu entre CCI-TL no VIII Governu Konstitusional.

Iha biban ida ne’e mos S. E. Secretario Estado SEFOPE Sr. Julião da Silva, hateten katak setor privadu hanesan parseiru importante ba Governu ho nune’e atu bele servisu hamutuk bele asegura ekonomika iha rai laran no la’os instituisaun public deit,  maibe setor privadu nia invairomentu ne’e tenke praktika, la’os mensiona deit, alende ida ne’e mos Secretario Estado SEFOPE hatutuan katak Governu tenke promove setor privadu, hanesan oinsa atu bele redus numeru  dezempregu iha rai lara, liu husi politika formasaun ba timor – oan hodi bele compete iha merkadu traballu, no labele atinzi karik laiha setor privadu.

Objektivu husi sorumutu ida ne’e iha inisiativa ida, oinsa atu hakbesik a’an ba iha CCI-TL tamba CCI-TL sai hanesan subrina ou mahon ba setor hotu iha Timor-Leste, no buka oinsa atu bele hatene ideias husi ita nia setor privadu sira atu bele ajuda kampu traballu ba ita nia jovens timor-oan sira.

Hare katak Ivolvementu setor privadu nian durante ne’e la’o ho diak maibe hakarak atu mais melhor ou diak liu tan no maka’as liu tan, no alende ne mos atu fo kampu traballu ba ita nia jovens timor – oan sira liu husi dezempregu no praktika ida ne’e, Governu mos halo ona atu nune’e bele promove kualidade setor privadu diak liu tan no tenke envolve setor privadu sira ba politika Governu nian.

Presidente CCI-TL realsa katak liu husi sorumutu ida ne’e S. E. Secretario Estado SEFOPE hodi bele fo informasaun diak liu tan, no iha hanoin ne’ebe diak tebes atu servisu hamutuk ho CCI-TL ami mos sente kontente tebes atu nune’e ba oin ho ita nia tekniku sira husi SEFOPE hamutuk ho Vice Presidente CCI-TL hodi hala’o sira nia kna’ar no hala’o koperasaun diak liu tan konaba diskusaun ida ne’e. Hodi kopera hamutuk no servisu hamutuk ho Governu atu hodi hare nusa mak bele tau numeru dezempregu, oinsa mak buka atu fo servisu ba joven timor-oan sira, tamba ida ne’e sai hanesan prekupasaun bo’ot ida ba setor privadu.

Media CCI-TL, Merry Fernandes


Imprimir