Lansamentu Demoplot Kuda Hare Munisipiu Lospalos, Caipara no Viqueque, Ossu

Prezidente CCI-TL Motiva Agrikultor sira Hasa’e Produsaun
Lospalos_Caipara & Viqueque_Ossu, 18 Abril  2024 – Prezidente Kâmara Komérsiu no Indústria Timor-Leste, Jorge Manuél de Araújo Serrano husu ba agrikultor sira atu hasa’e produsaun hodi nune’e bele domina nesesidade rai laran. 

Presidente CCI-TL subliña, atu atinji metas ida ne’e, husu atu entidade hotu liu-liu Governu servisu hamutuk hodi asegura sustentabilidade agrikultura.

Presidente CCI-TL dehan, produsaun rai laran tenke forte iha kualidade nune’e mós kuantidade.

“Ita servisu hamutuk maka sei hatudu duni progresu di’ak,” Serrano subliña kestaun ne’e bainhira partisipa iha lansamentu programa Kuda Haree Dahuluk iha époka ida ne’e, iha Munisípiu Baucau.

Presidente CCI-TL relata, durante importasaun foos mai rai laran kuaze millaun atus rua. Ida ne’e hatudu dependensia konsumidor maka’as tebes ba rai liur.

Tanba ne’e, Prezidente CCI-TL husu atu timor-oan hotu tenke servisu maka’as atu hasa’e produtu rai laran.

“Ha’u hakarak presu foos agrikultor sira mak kaer, la’os importador sira,” nia hatutan.

Ko’alia kona-ba merkadu, Presidente CCI-TL komenta, merkadu ba produsaun rai laran bo’ot tebes.  Nia dehan, uluk Governu hahú ho programa povu kuda Governu sosa, maibé agora produsaun lokal iha merkadu mak laiha.

Partisipa masimu husi Diretur CLN, Presidente Autoridade Munisipiu Lospalos, & Viqueque , Xefe Sucu, no Chefe Aldeia, Comandante PNTL Lospalos, Presidente CCI-TL no Estrutura, Presidente CCI-TL Munisipíu Lospalos no Diretur Exektivu CCI-TL, Amu Padre husi Viqueque, Tekniku husi Pt.PETROSIDA GRESIK, Extensionista  no Natar nain sira hotu.

#Media_CCITL