CCI-TL no SERVE-ip asina nota entedimentu hodi halo kooperasaun iha rejistu no levantamentu dadus empreza hotu iha Timor-Leste.

Dili – 27 Marsu 2025, Prezidente Câmara de Comércio e Indústria de Timor -Leste (CCI-TL), Sr. Jorge Manuel de arújo Serrano hamutuk ho Direktur SERVE-IP, I. P. Sr. Fausto Soares Dias Halao serimonia Asina Memorandu Entendimentu kona-ba Servisu Rejistu no Verifikasaun Emprezariál, iha Sala Konferensia CCI-TL, Acait, Dili.

Objektivu ba assina MoU ida ne’e maka atu estabelese servisu-hamutuk ida entre SERVE-IP.IР по CCI-TL ba realizasaun levantamentu nasional ba dadus emprezariál nian, hametin liu-tan kooperasaun entre instituisaun rua CCI-TL no SERVE-IP I.P Hodi servisu hamutuk, atu bele rekolla dadus emprezarial nian hodi fasilita diak liu tan prosesu rejistu emprezarial iha plataforma baze de dadus CCI-TL nian atu bele efetivu liu tan.

Câmara de Comércio Indústria de Timor – Leste (CCI-TL) hanesan Parseiru estratejíku Governu nian, labele lao mesak. CCI-TL apresia bá Direktur SERVE-ip, I. P. nia jestu no maneira ne’ebé buka  kontaktu malu atu bele servisu hamutuk hodi fo susesu bá levantamentu dadus, hau hanoin katak SERVE-ip bele halo servisu iha tinan barak nia laran bá rejistu empreza sira mezmu difikuldade bar-barak bá atividade ekonomiku iha rai laran bele lao ho diak iha lideransa Sr. Fausto nian hamutuk ho ekipa tomak fiar katak sei modernija ekipamentu sira hodi atualiza dadus sira ho diak no tambá ne’e mak CCI-TL mós iha planu ne’ebé tau iha asaun hodi halo levantamentu dadus emprezarial, kontenki tebes bele halo  parseria ida ne’e.

Atu informa dala ida-tan levantamentu dadus emprezarial ne’ebé maka Câmara de Comércio Indústria de Timor – Leste (CCI-TL) halo ne’e apoiu fundu husi suvensaun Públika husi Vise Primeiru Ministru nomós hanesan Ministru Koordenador Assuntus Ekonomiku no Ministru Turizmu nia Apoiu Objektivu husi Levantamentu dadus ne’e laos atu halo servisu SERVE-ip nian maibe CCI-TL halo levantamentu ida hodi hatene emprezia sira registu ona iha SERVE-ip nee hira mak halo atividade hira mak la halo atividade, nain Timor oan ka estranjeiru, fo empregu ema nain hira no informasaun sira seluk relevante ho ezisténsia empreza ida  iha Timor-Lese. SERVE-ip, I. P. iha autoridade tomak atu fo lisensa bá kompania sira iha Timor halo atividade ekonomika negósiu hanesan mós Trade Invest fo sira nia Kargu bá Investidor sira, Câmara de Comércio Indústria de Timor – Leste (CCI-TL)  hanesan mahon bá Emprezariu sira atu identifika, tamba ami nia papel fo advokasia no atu rejista empreza sira no tun bá verifika, fiar ne’ebé ita bo’’ot sira fo bá empreza sira ne’e, ita bo’ot aprova lisensa ida bá empreza ne’e halao duni nia atividade ka lae! Iha area negósiu los duni ka lae!, empregu hira mak nia kontribui ona nomos identifika hare’e tok sira nia empreza bo’ot ne’e atividade bo’ot duni ka lae! Keta halo bá lisensa nia empreza bo’ot mais bá halo fali atividade kiik sira ne’e, ka empreza mediu, empreza kiik sira ne’e. no hare’e mos Partisipasaun feto ne’e importante tebes.

Direktur SERVE-ip, I. P. hateten agradese bá oportunidade ida ne’ebé Câmara de Comércio e Indústria servisu hamutuk, hakarak ka lakohi SERVE-IP, I. P. Parseiru importante tambá ita hotu hatene katak dadus ENIN ne’e barak demais limittadu husi Unipessoal maibe benefisiariu ne’e hira, Timor halerik hela mak kampu servisu, kompania sira mai loke Lisensa bar-barak hodi halo saida, tamba ne’e mak hau agradese bá servisu ne’ebé mak CCI-TL hamutu SERVE-IP, I. P. Hau agradese tambá ita hakarak ka lakohi dalan mak ida ne’e duni, ita idak idak lao tuir lei ne’ebé mak atribui ona.

Dala barak SERVE-IP tun bá iha baza Autoridade sira husu Direktur ita bo’ot fo hela deit lisensa bá empreza sira maibe nusa mak China sira bele mai to iha ami nia Munisípiu ne’e, hau hatan bá prezidente autoridade sira katak primeiru ita nia Lei inan Konstituisional ne’e loke dalan Merkadu Livre ne’e, fila fali ba ita maka tenki jere oinsa maka merkadu livre ne’e lao tuir nia dalan se ita ita la kontrola didiak, saida mak Preidente CCI-TL Sr. Jorge Manuel de Araújo Serrano hateten. Merkadu Livre ne’e ita Timor Maubere  bele dehan sai penoton bá ita nia rai rasik. Tambá ita husik buat hotu lao livre.

Maibe ita hare’e didiak no esforsu a’an hodi hare’e hela kompania sira ne’ebé mak rejistu bar-barak, maibe benefisiu ne’e iha ka lae!, tan ne’e ho intensaun ida ne’e dadus ne’ebé rekolla husi Câmara de Comércio e Indústria de Timor – Leste (CCI-TL) halo levantamentu dadus ne’ebé agora dadaun halao hau fiar katak ho funsionariu ne’ebé mak naton, Maibe ita nafatin konsulta bá malu ho servisu ne’ebé mak ita halao ona.

Partisipa iha atividade asina MoU nee husi Vise Prezidente Câmara de Comércio Indústria de Timor – Leste (CCI-TL) no Reprezentante sira husi SERVE-IP, I. P.

 #mediaccitl

Related Articles