Dili,Loron 13 Fevereiru 2025, Vise Prezidente ba Asuntu Agrikultura no Pekuária, Empreza Ki’ik no Médiu, Sr. Rui Castro ne’ebé Akompaña husi Direktur Ezekutivu CCI-TL Sr. Domingos Natividade hola parte iha enkontru hamutuk ho Ministériu Agrikultura, Pekuária, Peskas no Floresta (MALFF) no Parseiru Dezenvolvimentu (DP) Grupu Traballu Tékniku Agrikultura (A TWG). Ne’ebé mak halao iha Salaun "Uma Tradisional", MALLF Compound,Comoro,Dili,Timor-Leste.
Tuir Sekretáriu Estadu Peska,Dr. Domingoos da Conceição dos Santos “Mau-Caro” Reuniaun importante ida ohin husi ministériu sira ho setor privadu, parseiru dezenvolvimentu no akademiku sira, ohin ne’e atu partilla hanoin ruma no konseitu ne’ebé mak diak hodi oinsa atu dinamiza setor agrikultura liu – liu iha produsaun sira ne’ebé mak durante ne’e ita hetan hela problema kona bá demanda nasional. Liu husi sorumutu ida ne’e bele kontribui hanoin hodi mellora ka dinamiza setor ida ne’e orienta espesifikamente oinsa atu hasa’e produsaun.
Setor Privadu sira liu-liu hanesan CCI-TL hanesan komponenti prinsipal mós hodi kontribui halo investimentu hodi hasa’e produsaun iha rai laran, nomós parseiru dezemvolvimentu sira sira mos kontribui hela buat lubuk mai Timor – Leste ita sura hanesan Japaun kontribui irigasaun sira iha Munisípiu sira ne’ebé mak presija no sira seluk ne’ebé mak fo sira nia kontribuisaun hodi fo benefisiu ba povu Timor – Leste liu – liu iha area Peska, Agrikultura no Floresta nian.
Jepaun mos konsidera katak Setor agrikultura importante tebes iha Timor Leste no importante mos atu fortalese servisu hamutuk entre NGO sira setor privadu ho parseiru Dezemvolvimentu sira iha rai ida ne’e no japaun mos Pratika agrikultura balun ne’ebé ho rezultadu diak iha area sira ne’ebé iha Timor – Leste.
Embaixador Japaun iha Timor – Leste hato’o Japaun nia hare’e kona ba agrikultura iha Timor – Leste, Ita presija moderniza setor agrikultura iha rai laran liu husi introdusaun tekniku foun sira nian depois uzu ekipamentu nian iha setor agrikultura, Timor -Leste Depende makas ba iha importasaun hahan nian ho ida ne’e ita presija atu diversifika ita nia produtu agrikultura sira hanesan foos kafe’e no sira seluk tan hodi kore ita nia a’an husi importasaun.
Iha biban nee mós intervensaun badak husi Vise Prezidente Câmara de Comércio e Indústria de Timor-Leste (CCI-TL) bá Assuntu Agrikultura no Pekuária, Empreza Ki’ik no Médiu, Sr. Rui Castro durante tinan 20, diskusaun kona-ba produsaun rai-laran menus tamba asaun limitadu. Ministériu Agrikultura tenki sai hanesan parseiru tekniku atu rezolve problema, no CCI-TL nia papel mak fo hanoin no kontribui ba solusaun. Maibé diskusaun barak la’o ho asaun no solusaun sira ne’ebé oferese dalaruma la kompletu ka foka de’it ba aspetu ida. Nia husu atu hasa’e kooperasaun no implementa solusaun konkretu atu hadia produsaun agrikultura iha Timor-Leste.
Enkontru ne’ebé organiza husi Ministériu Agrikultura, Pekuária, Peskas no Floresta hetan partisipasaun masimu husi partisipantes sira no iha enkontru nee hamosu idea no sujestaun sira ne’ebé parte Ministériu sei akumula hotu hodi nune programa sira tuir mai bele hala’o ho diak no bele iha mos konsiderasaun husi rezultadu ba enkontru loron ida ohin nian.
MediaCCITL
