Dili, Loron 17 fevereiru 2025, Vise Prezidente ba Asuntu Agrikultura no Pekuária, Empreza Ki’ik no Médiu, Sr. Rui Castro Hamutuk ho ekipa konzunta AIFAESA, Liñas Ministeriais sektorais sira hanesan Inspetur Jerál Traballu halao identifikasaun ba Produtu iha Armajenamentu Kompañia Perisos victoria.lda, Fatuhada no Hudilaran,Dili.
Nain ba Kompañia Perisos victoria.lda haktuir Kona-ba fo’os ne’ebé mak a’at ne’e kauza hosi udan halo bokon, durante semana ida, iha ne’e funsionáriu husi Kompañia perisos victoria.lda halo identifikasaun hodi halo separasaun bá foos sira ne’ebe diak no ladiak, tamba husi husi parte AIFAESA nian mai halo inspesaun urjenti entaun sira hanoin katak foos ne’e a’at hotu.
Fo’os ne’e sedauk sirkula bá komunidade ka distribuisaun ba merkadu tamba foos ne’ebé kliente sira sosa ho garantia hosi Kompañia perisos victoria.lda, bainhira sira simu fo’os to terenu ne’eba maka iha aat ka kuak kliente sira bele lori fila fali mai Kompañia troka, ida ne’e mak hanesan garantia ida ba kliente sira.
Lo’o duni katak iha foos no masin midar iha gudang laran, tamba VIII Governu hasa’e tiha taxa foos $1 /kg, saku ida $54 dollar rezuldatu masin midar folin sa’e iha $35 sa’e bá $90.00, konsekuensia mak konsumidores ladun sosa entaun rai deit iha armajen. Porpdutu sira ne’e sedauk liu data ka expired so mudansa iha ko’or, tamba kauza bokon tamba udan ben.
Iha atividade identifikasaun nee dra.Odeta Viegas, Inspetora Jerál AIFAESA hato’o katak, AIFAESA nia kna’ar hanesan halo inspesaun no fiskalizasaun regular ba estabelesimentu iha teritóriu laran tomak operadores ekonomiku sira nian inklui mós fatin produsaun armajenamentu no esbelesimentu komérsiu sira hotu.
Iha loron sabadu 15 Fevereiru 2025 foin dadaun, maske loron feriadu maibe AIFAESA halo nafatin ninia inspesaun bai ha fatin sira ne’ebé mak ita deskunfia katak iha produtu sira ne’ebé maka konserva hela iha armajenamentu barak mak liu prazu ka estraga, entaun iha sabadu ekipa inspesaun intervensaun rapida husi AIFAESA tun kedan mai iha terenu identifika iha armajen rua ida mak dadaun ne’e parte fatuhada nian no ida fali mos iha hudi laran armajen bo’ot rua ne’ebé nain mak Kompañia Perisos victoria.lda , ne’ebe mak husi AIFAESA nian halo kedan Salajen signifika katak atividade ne’e para no ohin loron Segunda 17 Fevereiru 2025 mak ekipa foin tun mai atu halo identifikasaun ba iha produtu sira ne’e hotu, no atu informa mos katak AIFAESA halo inspesaun mai Kompañia Perisos victoria.lda laos ba dahuluk mais iha tinan-2022 hahu halo ona relasiona ho masin midar ne’ebé mak liu prazu hotu ona no Kompañia nafatin rai iha armajen.
Iha loron ohin ita hetan buat lubuk ida, ba dahuluk kona-ba hijeni iha fatin armajenamentu ne’e la favorabel tiha ona, daruak ventilasaun ladun diak datoluk mak identifika produsaun ne’ebé data liu ona sira tau hamutuk ho produtu ne’ebé mak sei validu hela hanesan foos, da-haat hare’e mós produtu balun mak estraga iha mos fatin sira rai no kahur sasan sira ne’e hotu iha mos foos, iha batar, hahan ne’ebé maka ba animal sira tau hamutuk hotu no depois produtu lobuk ida mak laos aihan nian sira tau hamutuk iha armajenamentu ne’e.
AIFAESA hare’e katak Kompañia perisos victoria.lda ita bele hateten katak grave los tamba ida nee laos ba deit konsumidores sira iha liur maibe ba traballador sira rasik ne’ebé mak servisu iha fatin ida ne’e mos sai ameasadu ba sira, ohin ekipa konzunta mai husi Liñas Ministeriais sektorais sira hanesan Inspetur Jerál Traballu ne’ebé mak hare’e ba iha protesaun ba iha traballador sira mai mos husi Komérsiu Indústria, Tane Konsumidores, CCI-TL ho mos entidade lubuk ida tan mak durante ida ne’e halo servisu hamutuk AIFAESA.
AIFAESA halao nia servisu atu oinsa bele salva Timor-leste, hanesan Câmara de Comércio e Indústria de Timor-Leste (CCI-TL) ne’ebé sai mahon ba emprezariu sira hotu - hotu apoiu servisu ne’ebé ba diak, los dehan los, sala dehan sala kona ba negósiu ne’e buat ketak ida. Saúde ba povu Timor-Leste importante, durante ne’e ita foku liu ba Ministeriu Saúde kona-ba Aimoruk ho doutor mais iha buat barak ne’ebé kontribui hodi halo ema moras ita la identifika. CCI-TL husu atu labele identifika iha Kompañia Perisos victoria.lda deit bele identifika mos kompañia sira seluk tan.
CCI-TL sempre fo hanoin no advokasia ligasaun direita ho Kompañia sira no dalabarak ba hato’o keixa ba CCI-TL hodi halo advokasia maibe CCI-TL sempre mai ho hanoin ne’ebé mak justu tamba ne’e relasaun barak ho ema nia vida tamba aimoruk ida lor-loron ba ita nia isin lolon ne’e mak hahan no be’e, CCI-TL sei apoiu 100% laiha duvidas, hein katak laos iha ne’e deit sebele aktvidade nune tenki hala’o bebeik durante fulan ida nia laran atu nune bele resolve buat barak akontese liu-liu kona-ba armazenamentu ba sasán sira iha Dili laran, no hare’e mós iha parte fronteira nian, hateten vise prezidente CCI-TL Sr. Rui Casto. iha armajenamentu Kompañia Perisos victoria.lda Fatuhada,Dili,Timor-Leste.
MediaCCI-TL
