Díli, 27 Marsu 2025 – Vise-Prezidente Assuntu Asian WTO, Sr. Sidonio Trindade Freitas hola parte iha enkontru diskusaun kona-ba dezenvolvimentu lideransa juventude Timor oan liu husi programa Futuru Lider Ba ASEAN (FLBA), ne’ebé hala’o iha sala enkontru FLBA, MNEC, Pante Kelapa, Díli.
Programa FLBA hahú iha Fevereiru 2025 ho objetivu atu aumenta konhesimentu no preparasaun lideransa juventude Timoroan kona-ba ASEAN. Agora, programa ne’e tama iha faze daruak, ne’ebé halo Projetu Aprendizajen Asaun (ALP) atu fó oportunidade ba partisipante sira hodi implementa sira-nia hanorin iha pratika.
Iha konteúdu ida ne’e, MNEC halo konvite ba profisionál sira atu sai Mentor ba projetu "Empreza Estranjeiru iha Timor-Leste", ne’ebé sei orienta ekipa ida ho partisipante FLBA durante fulan lima. Mentor sira sei fó direksaun no partilha sira-nia esperiénsia hodi ajuda partisipante sira iha dezenvolvimentu lideransa no kariéra futura.
