Dili, 15 Novembru 2025, Câmara de Comércio e Indústria de Timor-Leste simu vizita hosi delegasaun komérsiu no ekonómiku nivel aas ida hosi Federasaun Yangjiang ba Estratu Sosiál Foun (Provínsia Guangdong, Xina), vizita nee simu diretamente hosi Vise Prezidente CCI-TL Asuntu Komersiu no Industria, Sra. Kathleen Gonçalves "Fo Ha Tchong", Vise-Prezidente Asuntu Turizmu,Sr. Zelindo Engelbert F. S. D. Jordão De Araújo, Vise-Prezidente Asuntu ASEAN no OMK,Sr. Sidonio Trindade da Costa Freitas nomos Diretór Ezekutivu CCI-TL,Sr. Domingos Natividade. Enkontru nee hala’o iha salaun enkontru CCI-TL,Acait,Dili.
Objetivu hosi enkontru nee maka introdús grupu investidór Yangjiang ba lideransa CCI-TL no ninia membru sira, hodi fasilita diálogu diretu kona-ba oportunidade investimentu no parseria estratéjiku, partikularmente iha área diversifikasaun ekonómika no inovasaun.
Delegasaun nee mai hasoru CCI-TL liu-hosi kooperasaun hosi Xefé Casa Sivíl Prezidénsia da Repúblika ne’ebé husu CCI-TL bele sai uma nain ba enkontru refere no bele hasoru delgasaun investór sira hosi Xina atu bele koalia diak liu iha área investimentu sira maka bele halo iha Timor-Leste liu-liu iha área sira hanesan infraestrutura, konstrusaun, enerjia, agrikultura, saúde, turizmu, no servisu finanseiru.
Iha enkontru entre CCI-TL no delegasaun grupu investidór Yangjiang halo diskusaun sira kona-ba possibilidade ba investimentu sira maka bele halo iha Timor-Leste no kanál diak liu ba investór sira hakarak halo investimentu iha Timor-Leste maka dahuluk tuir Vise Prezidente CCI-TL sira katak, investór sira presija halo koordenasaun ho CCI-TL hodi nune bele hatur nota entidementu ruma hodi nune CCI-TL bele propoin ba iha investór sira atu investe iha área ida ne’ebé maka agora dadauk Timor-Leste presija liu. Parte investór sira maka hamutuk iha grupu investidor nee entusias tebes hakarak investe iha Timor-Leste no iha enkontru nee mos parte investór no CCI-TL sei hasoru malun hikas atu diskute diak liu-tan dalan no meus investimentu saida maka presija atu hahu halo iha Timor-Leste iha tempu oin mai.
