1. Konsolidasaun Câmara de Comércio e Indústria de Timor-Leste (CCI-TL):
1.1. Halao fali konferensia hodi fo Legitimidade,tau hikas CCITL iha Municipio sira no RAEOA ho estrutura ne’ebe kompletu no normaliza nia funsionamentu
Halo fali Konferencia ba Associação Empresarial sira no Koperativa fundador no mos sira nebe hamahan an iha CCI-TL.
1.2. Reorganiza fali organizasaun sira ne’e tuir sira ida idak nia área hodi hetan legitimidade atu bele reforsa CCITL.
1.3 Reorganiza Sekretariadu Nacional CCI-TL nian hodi bele fo atendimentu diak ba membro ka
1.4 Assosiadu sira. Estabelese baze de dadus ida iha Sekretariadu nasional ne’ebe liga ba Munisipio hotu ho RAEOA atu halo levantamentu no regista empresa sira ho sira nia atividade no kondisaun. Halo análize abrangente kona-ba nesesidade no desafiu husi membru sira nia atividade negósiu.
1.5 Halo aproximasaun ho membro honorário sira atu bele participa fali iha CCI-TL no mos buka membro honorário foun.
1.6 Halo kontaktu no aproximasaun ho Governo atu bele hare fali legislasaun sira nebe iha ligasaun ho existência CCI-TL nian no mos legislasaun sira nebe iha ligasaun ho atividade ekonomika/ negosiu.
1.7 Halo aproximasaun ho governo hodi hetan atribuisaun total ba Edifício Central CCI-TL “ACAIT”.
1.8 Halo aproximasaun ho Governo atu bele atribui mos edifício ida iha kada Municipio no RAEOA ba reprezentasaun CCI-TL nian.
a. Obra ou projetu ba Edifício Central CCI-TL.
b. Obra ou Projecto ba Edifício Representazaun CCI-TL iha Municipio sira no RAEOA.
2. Formasaun no Kapasitasaun
Fó formasaun no kapasitasaun ba emprezáriu sira kona-ba asuntu empreendedorismu, komérsiu, estratéjia negósiu, marketing, finansas, no asuntu seluk ne'ebé hanesan importante ba sira nia dezenvolvimentu.
- Hasae konhesimentu iha area agrikultura hodi hasae produsaun agrikola iha rai laran, no hasae empregu no auto emprego.
- Forma no reforsa Mikro,pequena no Media empresa sira hodi hametin indústria ki’ik sira (home industry), no transforma setor informal ba setor formal.
3. Servisu Asésu
Promove aksésu ba informasaun importante no rekursu sira importante ba emprezáriu sira, hanesan informasaun merkadu, lejislasaun, no oportunidade negósiu. Dezenvolve website atualizadu no plataforma mídia sosial,produs boletim trimestral CCI-TL nian atu promove atividade ,eventu no produto sira.
4. Eventu no Feira
Organiza eventu no feira komérsiu lokál no internasionál atu promove produtu no servisu lokal, haktuir oportunidade negósiu no estabelese konexaun entre emprezáriu sira iha setór komérsiu. Promove komérsiu elektróniku, sustentabilidade no transformasaun dijital.
5. Advokasia
Forma Gabinete Jurídico, Reprezenta interese negósiu sira iha nivel governu no instituisaun estado sira ba regulamentu no polítika ne'ebé afeta setór komérsiu. Reforsa representasaun no defesa interese membru sira nian iha Governu no instituisaun Estado sira.
6. Servisu Promosaun
Promove produtu no servisu lokal liu husi kampaña promosaun, marketing Online, no estratéjia komunikasaun sira seluk.
7. Konsellu no Mentoria
Fó konsellu no suporta ba emprezáriu sira, inklui mentoria husi emprezáriu sira ne'ebé iha esperiénsia iha setór komérsiu.
8. Kolaborasaun ho Instituisaun Seluk
Kria kolaborasaun ho instituisaun seluk, hanesan universidade, asosiasaun indústria, no sira seluk atu dezenvolve setór komérsiu no fó benefísiu ba komunidade negósiu. Hari Laboratório teste ba aihan no material sira hodi garante kualidade komersiu.
9. Estabelese parceiru internasionál ho kamara komérsiu seluk atu fasilita komérsiu internasionál no oportunidade ba eksportasaun.
Reforsa CCI-TL nia partipasaun iha ASEAN BAC no CE-CPLP.
10. Halo peskiza no análize kona-ba merkadu atu fornese informasaun atualizadu kona-ba tendénsia no oportunidade sira iha setór komersiu no indústria.
Promove inovasaun no empreendedorizmu liuhusi inkubadora negósiu no programa apoiu ba membro sira.
11. Kria programa responsabilidade sosial korporativu atu envolve membru negósiu sira iha
Komunidade nia let. Amplia rede kontaktu kamara nian, promove enkontro regular no grupu diskusaun. Organiza kampanha promosaun no marketing atu aumenta konsiensia kona-ba benefísiu hodi sai membru kamara nian.
12. Valoriza rezultadu no impaktu husi inisiativa sira ne'ebé implementa iha tinan sira liu ba.
Halo peskiza/avaliasaun ba satisfasaun membru sira.
