Notisia

USAID "Turismo ba Ema Hotu" Halao Vizita mai Edifisiu CCI-TL

CCI-TL, 19 Setembru 2019 – USAID’s Turismu ba Ema hotu, Sr. Petter Samone no Sr. Macario Sanches hala’o vizita mai iha Edifisiu CCI-TL Gabinete Turismu nian, hodi hare direita konaba ekipamentus mobilariu ne’ebe mak oferese ona mai iha CCI-TL liu-liu iha Gabinete Tursimu no Ambiente, no liu husi program no apoiu husi USAID’s konaba rezultadu husi Survey Turismu ne’ebe sei hala’o durante fulan Setembru 2019 nian laran ba Munisipiu 12, foka prioridade liu ba iha area turismu husi parte Munisipiu Ainaro, Postu Administrativu Hatu-Builico, Maubisse no Munisipiu Dili.

Kolleita Manu (Broiler) Husi Rezultadu Investimentu Timor-Oan

Kolleita Manu (Broiler) Husi Rezultadu Investimentu Timor-Oan Servisu Sazonál Australia Nian

Ohin, 22 Jullu 2019 – Movimentu Asaun Ekonomia Komunitária (MAEKOM), ne’ebe mak hamaha a’an iha CCI-TL nia okos, núdar grupu ida ne’ebé kompostu husi Timor-oan sira ho profisaun no esperiénsia oin-oin ne’ebé kompromisu atu garante dezenvolvimentu ekonomia iha Timor-Leste, liu-liu iha setór produtivu agrikola nian, nune’e bele hakbi’it ekonomia família no kresimentu ekonomia nasaun nian.

Iha biban ida ne’e Presidente Kamara Komérsiu no Industria Timor-Leste (CCI-TL), Sr Oscar Lima realsa katak hahú negósiu ho eskala ki’ik núdar ezemplu di’ak atu mehi ba ida bo’ot sé ita badinas, pasénsia no servisu maka’as tanba sai emprezáriu la fásil.

“Ha’u agradese ba alin feto nain hitu no mane nain ha’at ne’ebé ohin investe hodi hakiak manu-frangu, ne’e hatudu ba Governu katak setór privadu mak sei ajuda Governu nia kresimentu ekonomia maske ohin loron kuantidade investimentu setór privadu Timor-Oan sei ki’ik,’’

Sua Exa, Sekretáriadu Estadu Formasaun Profesional no Empregu (SEFOPE), Sr. Julião da Silva hateten katak modelu investimentu ne’ebé servisu sazonál sira kria, ne’e núdar modelu ida hatudu ona ba Timor-oan ne’ebé servisu iha Korea Súl, Inglaterra no nasaiun sira seluk.

“SEFOPE sei nafatin enkoraja Timor-Oan ne’ebé servisu iha rai-liur hodi fila investe iha rai-laran, ohin sira hatudu ezemplu ba servisu sazonál sira seluk tanba halibur hamutuk kapitál hodi kria servisu ba joven sira no sei dudu ita-nia kresimentu ekonomia lalais.

Sua Exa, Ministru Agrikultura no Peskas (MAP), Eng. Joaquim José Gusmão Dos Reis Martins, hateten katak hasa’e kuantidade ba produsaun agríkola iha area pekuaria no peskas núdar prioridade ‘as ba nia mandatu.

Hatutan tan katak “MAP iha polítika atu envolve setór privadu sira hodi hasa’e produsaun agrikola nian. Tanba ne’e, iha polítika foun, ami aumenta programa servisu no kolabora ho setór privadu liu-liu emprezáriu sira hodi investe maka’as nune’e ita bele responde konsume nasionál no responde nesesidade ai-han ba industria.

Presidente MAEKOM, Sr. Rui Castro hateten katak investimentu produtivu iha setór agríkola núdar alvu ida husi MAEKOM. Ami envolve Timor-Oan hotu hodi nain ba kriasaun ne’e. Ohin, ita-nia alin sira ne’ebé servisu núdar sazonál, sira mós ema ne'ebe dahuluk kolleita manu-frangu no kria mós ekipa parseiru negósiu bolu Broiler Organic Distributor.

“Ita orgullu investimentu ba kriasaun manu-frangu maioria feto sira ne’ebé fila husi servisu sazonál iha Australia. Sira husu tan pedidu atu hasa’e kuantidade manu-frangu husi 1000 ba 5000 iha fulan hirak tuirmai”, Rui hateten.  

Ohin, iha Suku Lahene Ocidental kolleita tan manu-frangu ho kuantidade 1000 ne’ebé hakiak husi pesoál Servisu Sazonál Australia nian kompostu husi membru 11, feto nain-hitu no mane nain ha’at ho naran Timor Connect Group. Grupu sei hasa’e tan kuantidade husi 1000 to’o 5000 iha fulan hirak tuir mai. Servisu Sazonál mós kria grupu parseiru negósiu naran Broiler Organic Distributor hodi sai fa’an na’in manu-frangu nian.

Presidente MAEKOM, Sr. Rui Castro enkoraja ou motiva ba Jovens sira katak “hahu Negosiu husi Ki’ik Neneik Beibeik maibe sei sai Bo’ot.

#Media_CCITL

Enkontru Matabixu dader entre Ministru Interinu MKAE, MTCI ho CCI-TL

 

Dili, 02 Agostus 2019 - Enkontru Matabixu dader entre Sua Exia, Ministru Interinu MKAE no MTCI, Sr. Fidelis Manuel Mangalhaes ho CCI-TL no Estrutura tomak no Ajensia sira Governu nian.

Iha enkontru refere Sua Exia, Ministro Interino MKAE no MTCI, Sr. Fidelis Manuel Mangalhaes, realsa katak Prinsipal enkontru ida ohin mak hare fila fali lala’ok setor privadu sira nian no fasilita formasaun koordenasaun ekonomia no informasaun ne’ebe diak liu tan ho agensia sira hotu, ne’ebe mak iha MKAE nian okos, bele iha dalan hodi solusiona ba dejafiu no probelam sira ne'ebe setor privadu sira infrente, atu nune’e bele hasa’e kresimentu ekonómiku nomos bele kontibui ba dezenvonvimentu ekonómiku iha Timor-Leste.

Alende ne’e mos ami nia orientasaun ba iha rejultadu, no iha problema saida deit mak setor privadu sira infrenta, exemlpu hanesan sira presija Governu atu hadia kualidade treinamentu sira no oinsa iha difikuldade wainhira atu ba rejistu sira nia negosiu, no sente iha gardamentu legal ruma, ba iha ne’ebe eziji envistor sira atu fo kampu de servisu ba timor-oan.

Enkontru ida ohin marka mos prejensa husi Agensia sira mak hanesan durante ne’e presta servisu ba setor privadu sira mak hanesan Trade Invest, SERVE, Alfaesa, inklui BNCTL, ho nune’e atu rona no melhora servisu ne’ebe sira iha atu redus tempu ne’ebe mak ita gastu hodi hein prosesu ida atu finaliza.

Setor Privadu hanesan Setor ida ne’ebe Espesial ou Pílar ne’ebe importante husi ita nia ekonómiku ne’ebe mak iha Setor Kooperativa, Setor Publiku nomos Setor Privadu. Ne’ebe mak ita tenke konserta diak liu tan ita nia politika atu nune’e Governu tenke kontinua promove kresimentu setor privadu iha ita nia ekonómiku, ita bele kapasita liu tan ita nia setor privadu sira, hanesan setor privadu rasik mos bele iha kapasidade hodi bele kapasita sira nia jestaun rasik hodi bele kompete iha ekonomia.

MKAE interinu mos, propoin katak nia prontu atu hola parte iha sorumutu hanesan ida ne’e mai oin kada fulan tolu dala ida, nomos ajénsia sira ne'e bele hola parte iha sorumutu ho emprezariu sira kada fulan.

Presdeinte CCI-TL Sr. Oscar Lima, hateten katak MKAE iha relasaun tebes ho CCI-TL hodi sorumutu iha dader kmanek ida ne’e bele koa’lia ba malu konaba asuntus ne’ebe mak relasaun ho setor privadu liu-liu ita nia ekonomia iha rai laran. Asuntu nebe mak impotante hanesan Lei ligasaun ba Rai, Sertifikadu no ligasaun ba kreditu no lei sira ne’ebe ligasaun ba finanseirus sira ne’e ita presija atu trata. Nomos konaba pagamentu ne’ebe mak seidauk la’o normal, ho nune’e hodi bele buka solusaun ba problema refere.

Alende ne'e Emprezariu hato'o sira nia vizaun konaba fatores ne'ebé limita Ekonomia no Ajensia Governu sira hatan ka klarifika ba kestoins sira ne’ebe empreza nain sira apresenta.

#Media_CCITL

Dialogu Tripartida CCI-TL, ILO, no KSTL

 

Ohin, 8 Julhu 2019 - CCI-TL Partisipa iha

"Dialogu Tripartida no Kapasitasaun hodi Haforte Mediasaun nu'udar mekanizmu ba Rezolusaun Disputa" ne'ebe realiza husi ILO - Organizasaun Internasional ba Trabalhu, hamutuk ho SEFOPE - Sekretariadu Estadu ba Formasaun Profisional no Empregu.

Objetivu husi kolókiu nian mak atu hasa'e kapasidade ba konstituinte tripartida sira hodi hadi'a kualidade prosesu mediasaun no padraun mediador sira nian.

#Media_CCITL