Dili – 09 Setembru 2025, Prezidente Câmara de Comércio e Indústria Timor-Leste CCI-TL, Sr. Jorge Manuel de Araújo Serrano hamutuk ho Vise Prezidente no Prezidente CCI-TL Munisipiu hala’o enkontru ho Sua Exelénsia Ministru Obras Publikas, Sr. Samuel Marçal akompaña husi Vise Ministru Asuntu Infreastrutura, Sr. Julio do Carmo, iha enkontru nee Ofisialmente CCI-TL intrega lista kompañia setor konstrusaun sivíl ba Sua Exelensia Ministru Obras Publika. Iha sala reuniaun Ministeriu Obras Publikas MOP, Caicoli, Dili.
Objetivu hosi enkontru no entrega lista kompañia konstrusaun sivíl nee maka, hatan ba Exelénsia Ministru Obras Públikas nia hakarak no komitmentu hodi envolve liu-tán empreza nasionál sira iha área konstrusaun sivíl, dezenvolvimentu infraestrutura no iha projetu públiku sira, objetivu prinsipál ida mós atu hametin kapasidade empreza sira-ne’e nian liu-husi programa formasaun ne’ebé forñese husi Ministériu Obras Públikas, hodi nune’e bele garante kualidade no ezekusaun di’ak ba projetu sira ne'ebé la'o hela no iha hela prosesu.
Prezidente CCI-TL Sr. Jorge Manuel de Araújo Serrano iha enkontru ne'e hato katak, Husi Câmara de Comércio e Indústria de Timor-Leste - CCI-TL fiar katak, oportunidade no partisipasaun ida ne’e, empreza lokál sira iha setor konstrusaun nian hodi partisipa iha programa formasaun no fiskalizasaun téknika sei ajuda tebes no garante kresimentu sustentável iha setór konstrusaun nian, kria empregu no hasa’e kapasidade no kualidade ba ita-nia empreza lokál sira ne’ebé kualifikadu hodi nune bele partisipa no hola parte iha Projetu governu nian nunemós bele ajuda empreza sira bele hetan mos oportunidade atu investe no diversifika sira-nia atividade negósiu no ajuda hadi’a ekonomia iha nivel nasionál tun to’o iha nivel munisípiu. Agradese ba Exelénsia nia konsiderasaun no kolaborasaun servisu hamutuk ho CCI-TL no kompromisu ne’ebé kontinua atu avansa dezenvolvimentu infraestrutura iha ita-nia rain.
Intervensau Iha enkontru ofisiál nee Exelelénsia Ministru Obras Públika,Sr. Samuel Marçal hato’o katak, ohin Câmara de Comércio e Indústria de Timor-Leste CCI-TL mai iha nee representa setór privadu sira hotu iha Timor-leste, ita hotu hatene katak papel setor privadu importante tebes ba ita nia rain, governu presija rona setor privadu sira nia preukupasaun no saida mak presija governu hanesan setor públiku atu fó ba sira. Ho nune ohin CCI-TL mai iha nee hato’o ona lista kompañia konstrusaun sivíl hosi nasionál to ba munisipíu sira hodi nune ita bele hare hamutuk saida mak governu presija halo tambá tuir politika IX Governu konstitusionál nian maka oinsa bele reforsa setor privadu sira tambá setor privadu iha papel importante ba dezenvolvimentu ita nia nasaun nomos bele hasae kresimentu ekonomia iha ita nia nasaun.
Iha biban nee mos Sr. Ministru Obras Públikas akresenta liu-tan hosi intervensaun Prezidente CCI-TL nian koalia dehan katak ho serbisu hamutuk ida nee bele kapasita diak liu-tan ita nia empreza sira nomos bele kontrola atu oinsa empreza sira iha opurtinidade hetan projeitu ruma atu labele “Fan”, Ministru fó hatene no hatutan liu-tan intervensaun Prezidente CCI-TL nian katak, presija respeita ba konfiansa ne’ebé ita boot sira hetan labele iha hanoin hodi fan deit projeitu tambá ida nee akontese ita sei labele aproveita buat ida, agora governu komesa hanoin oinsa reforsa mos empreza sira laos deit hare deit ba projeitu maibe oinsa bele halo investimentu iha setor turismu, agrikultura no dezenvolve rekursu sira ne’eb’e ita iha.
Enkontru nee lao ho diak tebes hosi Ministériu Obras Publikas no CCI-TL hatur hanoin hamutuk hodi deside ba kooperasaun serbisu ida diak tebes haktuir ba politika IX Governu konstitusional nian hodi bele kapasita,reforsa no fo oportunidade ba setor privadu sira hodi hanoin ona bele halo investimentu ruma iha ita nia rain no laos hare deit ba projeitu.
Remata
