Dili, 23 Setembru 2025, Vise Prezidente CCI-TL Asuntu Agrikultura, Sr. Rui Castro hamutuk ho Diretór Ezekutivu CCI-TL,Sr. Domingos Natividade, partisipa iha enkontru fórum altu nivel hodi hametin koordenasaun no asegura aprosimasaun kompartida ba dezenvolvimentu setór agrikultura, pekuária, peska no floresta, ne’ebé organiza husi Ministériu Agrikultura Pekuaria,Peska no Floresta(MAPPF) iha salaun Delta Nova Dili.
Objetivu enkontru fórum nível altu ida nee, Ministériu Agrikultura, Pekuária, Peskas no Floresta (MAPPF) konvoka Enkontru Harmonizasaun hamutuk ho Parseiru Dezenvolvimentu hanesan fórum altu nivel hodi hametin koordenasaun no asegura aprosimasaun kompartida ba dezenvolvimentu setór agrikultura, pekuária, peska no floresta. Harmonizasaun ne'ebé efetivu esensiál atu aliña esforsu sira, maximiza impaktu, no harii parseria sira ne'ebé metin.
Enkontru tinan ida-ne'e hala’o iha Timor-Leste ho ninia prioridade sira maka diversifikasaun ekonómika nian, hanesan aprezenta ona iha Enkontru Parseiru Dezenvolvimentu Timor-Leste nian iha Maiu 2024 no Enkontru Trimestrál Parseiru Dezenvolvimentu nian iha Abril 2025. Foku sei iha revizaun ba progresu sira iha koordenasaun MAPPF nian dezde Dezembru 2024, no hadi'a diálogu hanesan dalan atu hametin partisipasaun setór privadu no investimentu iha setór hirak ne’e.
Vise Prezidente CCI-TL Asuntu Agrikultura,Sr. Rui Castro iha ninia intervensaun hato’o katak, CCI-TL agradese bele hola parte iha enkontru importante ne’ebé MAPPF organiza, enkontru sira nune presija ninia kontinuasaun hodi bele to iha objetivu ida ne’ebé ita hotu hakarak, ohin mai reprezenta mos Prezidente CCI-TL hakarak kongratula politika IX Governu nian ne’ebé hakarak involve setor privadu iha prosesu dezenvolvimentu no hasa’e kresimentu ekonomia iha Timor-Leste. Iha biban nee mos Vise Prezidente Rui Castro akresenta liu-tan katak, liu ona tinan (20) ita koalia kona-ba setor agrikultura maibe ita marka pasu iha fatin ita labele avansa ba oin enkuandu propriedade hodi halo investimentu hanesan rai no fatin sai nafatin problema, tambá nee aproveita biban ida nee husu ba Exelénsia Ministru no Sekretária Estadu sira bele levanta asuntu rai ba investimentu nee iha reuniaun konsellu ministru nian, tambá ita bele bolu investor bara-barak maibe rai sai problema ema sei labele mai investe iha ita nia rain.
Iha reuniaun fórum alto nee mos, CCI-TL Liu-Husi Vise Prezidente Sr. Rui Castro halo aprezentasaun kona-ba identifikasaun ba Problema Agrikultura, Solusaun Ba Problema Sira, Proposta Atu Bele Kria Sistema Agrikultura Ne’ebé Diak no eskema serbisu hamutuk entre CCI-TL no MAPPF. Husi aprezentasaun ne’ebé Sr. Rui Castro aprezenta hatudu katak parseru dezenvolvimentu no parte MAPPF konsidera aprezentasaun ne’ebé Sr. Rui Casto aprezenta pertinente tebes no presija atu deskute diak liu hodi hatur sistema agrikultura ida ne’ebé diak iha Timor-Leste.
Partsipa iha enkontru fórum alto ida nee maka, Ministru Agrikultura,Pekuaria,Peska no Floresta, Sekretariu Estadu Floresta,Reprezentante Sekretriu Estadu Kooperativa, Xefé Reprezentante JICA, Embaixador/a no representante embaixada sira husi Australia,Xiná,Thailand,Brasil,Japaun,Nova Zelandia,Portugal,Prezidente AEMTL no Diretores liña ministerial sira.
Remata
