Kompañia Yamakou Aprezenta Teknolojia Foun konstrusaun Slope no konstrusaun Arame

Dili 10 Setembru 2025, Câmara de Comércio e Indústria de Timor-Leste hamutuk ho kompañia Yamakou hanesan mós membru onoraríu CCI-TL, halo aprezentasaun ba Teknolojia foun ba konstrusaun Slope no Konstrusaun Arame iha atividade mini semináriu ne’eb’e hala’o iha salaun enkontru CCI-TL,Acait,Dili.

Objetivu hosi atividade mini semináriu ida ne’e maka, CCI-TL konsidera katak teknolojia foun ne’ebé kompañia Yamakou aprezenta adekuadu tebes ba kondisaun sira iha Timor-Leste, liuliu ba rai no área sira ne'ebé maka dalabarak hetan rai-monu iha tempu udan, Kompañia Yamakou implementa ona sistema ida ne’e iha área Carimbala no ida ne’e hatudu ona katak nia útil bainhira implementa iha Timor-Leste.

Reprezenta Prezidente CCI-TL Sr. Agustinho Gomes nudar mos Vise-Prezidente Asuntu konstrusaun sivíl no obras públikas iha intervensaun hato’o agradesementu ba Kompañia Yamakou bele hamutuk ho CCI-TL hodi hafahe informasaun importante kona-ba teknoljia foun slope no konstrusaun arame ne’e, hau koñese oituan kona-ba Sistema ida nee iha kedas tempu okupasaun indonezia nian no altura ne’eb’á  Sistema nee eziste ona maibe ho era ida agora dezenvolvidu liu ba ninia implementasaun, ho nune maka husu ba partisipasantes sira atu aproveita rona no akompaña espelikasaun sira maka sei hato’o iha mini  semináriu ida nee tamba ninia benefisu ba ita boot sira karik aban bainrua hetan no kaer projeitu ruma iha area konstrusaun sivíl hasoru defikuldade ba konstrusaun ruma maka labele atu hala’o tamba iha problema ho rai ne’eb’e sempre halai no fatuk sira monu hosi foho lolon,  ita boot sira bele utiliza Sistema ida ne’e tamba Sistema ida nee garantia tebes.

Iha aprezentasaun materia ba Sistema foun nee, Sra. Teresa Nao Tsujimura husi Kompañia Yamakou hato’o kona-ba implementsaun ba teknolojia foun Slope no Konstrusaun Arame ne’ebé sira implementa ona iha fatin balun inklui iha Timor-leste. Tuir téknika nee hato’o katak Sistema nee iha nia kualiade ne’ebé makas bele satan ba dezastre sira ne’ebé bele estrga rai monu ho volume boot nunemos bele satan ba fatuk sira ne'ebé bele monu bainhira iha udan boot. Iha aprezentasaun nee mos Sra. Teresa Nao Tsuujimura hato’o katak husi programa ba implementasaun nee lao ona iha Timor-Leste hamutuk ho apoiu JICA nomós sei halo kooperasaun ho Ministériu Obras Públikas hodi nune sistema foun ida ne’e bele utiliza iha Timor-Leste. Téknika nee mos akresenta liu-tan katak iha traballador Timor Oan nain lima maka serbisu hamutuk ho ami no nain rua Haruka ona ba Japaun atu aprende diak liu-tan ba Sistema ida nee no sira sei hela iha Japaun durante tinan-rua.

Entertantu partisipantes sira ba mini semináriu nee sente kontenti ho aprezentasaun ba sistema foun ida nee no sira kompromete sei halo kooperasaun ho kompañia Yamakou bainhira presija apoiu ruma liu-liu utilizasaun sistema ka teknolojia foun Slope no Konstrusaun Arame ne’e rasik.

Partisipa iha mini semináriu nee Vise Prezidente CCI-TL asuntu Obras Públikas Sr. Agostinho Gomes, Vise Prezidente asuntu Kooperativa  Sra. Carla Tilman, Reprezenta embaixador Japaun iha Timor-leste Sra. Segubda hamutuk ho Sekretário Embaixada Japaun iha Timor-Leste Sr. Kana Murozono, Diretór Ezekutivu CCI-TL Sr. Domingos Natividade, husi JICA Sentru Hokkaido, Ofisial Promosaun PPP Sra. Atsuko Furuya, husi Japan International Cooperation Agency (JICA) in Timor Leste Reprezentativo, Sr. Keisuke Ujike, Prezidente CCI Munisipíu Viqueque Sr. Florencio Armindo da Conceicão G. da Costa, partisipantes hosi kompañia konstrusaun sivíl ne’ebé hanesan membru onoraríu no membro asosiasaun CCI-TL hamutuk ema nain-25 maka partisipa iha mini semináriu ida ne’e.

REMATA