Primeiru Ministru no Prezidente CCI-TL Partisipa iha Interfase Líder Asean Sira hamutuk mos ho Reprezentante Sira Husi Konselu Konsulsaun Negosiáriu ASEAN (ASEAN-BAC).

Malaysia 26 maiu 2026, Primeiru Ministru IX Governu Konstitusionál Maun boot Kay Rala Xanana Gusmão hamutuk ho Prezidente CCI-TL Jorge Manuel de Araujo Serrano partisipa iha interfase líder ASEAN hamutuk ho representante sira husi konselu konsulsaun negosiáriu Asean (ASEAN-BAC) iha Kuala Lumpur Malaysia.

Hola parte iha eventu importante ida nee husi governu partisipa hosi Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente,Francisco Kalbuadi Lay, Ministru Negósius Estranjeirus no Kooperasaun,Bendito dos Santos Freitas, Vise-Ministra ba Asuntus ASEAN,Milena Maria da Costa Rangel, Sekretáriu Estadu Komunikasaun Sosiál Expedito Dias Ximenes, no hosi Câmara de Comércio e Indústria de Timor-Leste, Vise-Prezidente Asuntu Promosaun no Kooperasaun Hergui Luina Fernandes Alves nomos Vise-Prezidente Asuntu ASEAN no OMK, Sidonio Trindade da Costa Freitas.