13 Juñu 2024, Vise Prezidente Assuntu WTO no ASEAN Sr. Sidonio Freitas hato’ot diskursu iha seminariu Nasional kona –bá Komersiu Elektroniku ne’ebé organiza husi Ministeriu Komersiu no Industria (MCI) iha Salaun Maubara Room, Dili.
Objetivu prinsipal husi seminariu nasional ho tema “Optimaliza rekursu” hodi alkansa polita komersiu Timor – Leste bá mundu hodi divulga ka habelar informasaun kona bá Electronic Commerce (E-comerce) bá entidades relevantes no divulga mós dekretu –Lei, N.89/2023 bá linhas ministerial no seitor privadu.
Iha eventu ne’e Vise Prezidente Assuntu WTO no ASEAN Sr. Sidonio Freitas subliña katak pagamentu P24 ne’e hanesan sistema ida atu bele fasilita tranjasaun fasil i depois mós pagamentus lais liu no prosesa bele asisti liu tan.
Iha nemós ita hare’e katak bele fasilita buat barak liu – liu mudansa husi orsamentu ba ema sira ne’ebé kompra ho ema sira ne’ebé mak fa’an iha ne’e sira bele hatene sira nia osan direitamente, agora dezafia ida ne’ebé mak agora sei enkontru mak ne’e ita tenki buka dalan oinsa para atu asisti konsumidor hotu – hotu atu bele utiliza instrumentu ne’ebé iha hodi nune’e sira mós bele hatene uza pagamentu Elektroniku ida ne’e, tambá ida ne’e fasil bá joven sira maibe maioria ba iha ita nia inan aman sira liu – liu sira ne’ebé iha foho ita tenki hanorin sira para oinsa atu utiliza tambá sira mak fa’an produtu barak liu.
Wainhira emplementa ona sistema ne’e maioria empreza sira ne’ebé hamahon a’an iha CCI-TL sei fasilita liu tan sira liu-liu atu halo pagamentu bá sira ninia traballador sira bá forma iha Banku la presija ona, depois maioria sira nia ofisiais financas tenki lori pasta atu dipozita iha Banku ida ne’e la presija ona tambá buat hotu iha ona sistema ne’ebé ohin ita bolu iha lian inglesh #cashless payment, entaun ida ne’e bele halo fasil ita, no CCI-TL mós fiar katak ida ne’e laos deit fasilita bá iha membru CCI-TL maibe bá ema hotu – hotu liu ba sira ne’ebé iha kapasidade atu kompra no fan.
Vise Prezidente mós hateten katak fasilidade hotu tenki integradu atu nune’e bele apoiu malu iha implementasaun ne’e para atu nune’e wainhira implementa buat hotu bele lao ho diak, liu – liu iha sosializasaun no CCI-TL nia pozisaun mak ne’e prontu atu servisu hamutuk ho governu halo sosializasaun bá iha sistema pagamentu elektroniku.
