Rai nia Vantajen, Problema no Solusaun Hafoin Independensia Timor-Leste hodi Garante Dezenvolvimentu

Dili, Dili, 24 Setembru 2024 Vise Prezidente Câmara de Comércio e Indústria de Timor Leste (CCI-TL) Assuntu Jurídiku no regulamentu, Sr. Júlio Fernandes, halo intervensaun badak kona-bá importánsia rai nu’udar alternativa investimentu ba diversifikasaun ekonómika iha Timor-Leste iha Seminariu Nasional ne’ebé mak organiza husi Ministerio da Justiça, fatin Salaun CNE, Kaikoli.

Nia subliña, ba setór privadu sira, rai no Maromak tenke hamutuk tanba iha aspetu ida-ne’e mak estatutu tenke klaru no transparente. Sr. Júlio hatutan katak durante tinan 14 nia laran CCI-TL hasoru dezafiu barak, maibé entre dezafiu sira ne’e hotu, CCI-TL konsidera pontu rua ne’ebé importante tebes:

• Rekursu umanu fokus bá atu identifika kapasidade no dezenvolve kapitál umanu.
• Titulasaun ba rai bele sai importante ba diversifikasaun ekonomia.

Linguajen hosi Lei Garantia sira no Estatutu Rai nian la fó sai ida-ne'e ho klaru, ne'ebé hamosu ezitasaun barak iha setór ne'e.