Forum internasional ho topiku “Timor-Leste’s International Business Forum 2023” ho sub-topiku “Discovering Blue and Green Opportunities for Sustainable Investment”
Dili, 23-24 Novembru 2023, – Governu Timor-Leste liu husi Vise Primeiru-Ministru, Ministru Koordenador ba assuntu Ekonómiku, Ministru Turizmu no Ambiente hamutuk ho Câmara de Comércio no Indústria Timor-Leste (CCI-TL), organiza forum internasionál ho tema sentrál “Timor-Leste International Business Forum 2023” ho sub-tema “Discovering Blue and Green Oportunities for Sustainable Investment”, finaliza ona Forum Internasional ne’e ho susesu, tanba konsege hetan investor hamutuk 10 mak sei mai investe iha Timor-Leste iha tempu badak.
Forum internasional ho topiku “Timor-Leste’s International Business Forum 2023” ho sub-topiku “Discovering Blue and Green Opportunities for Sustainable Investment” hala’o durante loron rua 23-24 Novembru 2023 iha salaun Multi-funsaun GMN iha Bebora-Dili.
Presidente CCI-TL hateten katak CCI-TL nia papel mak hamutuk ho Governu liu husi Gabinete Vise Primeiru-Ministru, Ministru Koordenador ba assuntu Ekonómiku, Ministru Turizmu no Ambiente hamutuk ho CCI-TL organiza Forum Internasional ou Timor-Leste Busisness Forum ida ne’e partisipasaun ema barak hanesan ita bo’ot sira hare ne’e halao iha durante loron rua 23-24 Novembru 2023 no ema barak antuziasmu, ema rona, ema observa ema mai koinese ita nia rain.
Ho nune’e hare mos ita timor oan sira maneira hospitalidade no ita halo buat ida ne’e diak no liu-liu ba ita nia maluk timor oan sira ne’ebe simu ona sira ho diak no hotel sira, restorante sira no balun ne’ebe bele pasiar ba Atauro iha ne’eba ita nia peskador sira simu ho diak ho sasan sira ne’e hotu pakote ida no ita fo “Bemvindu ba sira hotu”.
Alende ne’e ita hare ba oin ne’e nain mak hela hodi investe ida ne’e prosesu ida fali, ne’ebe iha interesse duke ita mak ba hela deit liur, nusa ita la kria tok forum ruma iha rai laran sira bele hare raik, ema sente rasik no hare ita nia aprosimasaun ne’ebe diak.
Ho prontidaun husi emprezáriu sira ne’e, ikus mai hamosu duni akordu ida hodi selebra ho Governu Timor-Leste, “Government to Government” no akordu balun entre negósiu ho negósiu ka Business to Business ou B2B.
Iha Forum Internasional ida ne’e mos CCI-TL, asina mós akordu ho empréza rua mak hanesan Carbon Foundation Country husi Austáalia no empréza PT Dewata Sukses Bersama ho Suhurama Developer Unipessoal Lda iha área kriasaun bá Manu-tolun (Peternakan ayam petelur).
Husi Associação Emprezarial das Mulheres de Timor-Leste (AEMTL), asina ho empreza Shenzen Hesun Supply Chain Service Co,Ltd iha área peskas. Alende ne’e, AEMTL selebra ona mós akordu ho Jardine Botanical SDN,Bhd iha área cosmetic industry.
Husi parte seluk mós iha AERO DIL ou Área Aviasaun ninian, ohin asina tiha ona señor Lourenço de Oliveira ho señor ida mai husi Indonézia. Depois, iha tán Sohu, husi Xina, iha tán Peska, ne’e mós mai husi Xina duni.
#MediaCCI_TL
.jpg)
