Prezidente CCI-TL Apela ba Emprezáriu Sira Atu Kolabora ho Ekipa Levantamentu Baze-Dadus

 Dili - Prezidente Kamara Komersiu no Industria Timor-Leste (CCI-TL), Sr. Jorge Manuel de Araújo Serrano ne'ebé mak akompaña husi Vise Prezidente Assuntu Ekonomia Azul, Sr. Sansão Gomes, Vise Prezidente Assuntu Agrikultura, Pekuária, Floresta Médiu Pequena Emprezas, Sr. Rui Castro, Direktur Ezekutivu, Sr. Domingos Natividade Ho Ekipa Kalohan Hosting halao Konferensia Imprensa Iha Acait, Dili 22 Novembru 2024. Hodi koalia kona Levantamentu Baze Dadus ne'ebé mak sei halao iha Tempu badak.

Iha konferensia imprensa ne'e Prezidente Kamara Komersiu no Industria Timor-Leste (CCI-TL) hateten, Kámara Komérsiu no Indústria Timor-Leste (CCI-TL) halo ona lansamentu Ofisiál Baze –Dadus iha Loron 16 Novembru 2024 Iha salaun Multiuso GMN, ho nune mak aproveita oportunidade ida nee hato'o bá Públiku liu - liu ba Emprezariu Nasional no Internasional, ne'ebé mak halao atividade negósiu Iha Timor-Leste atu partisipa Iha Levantamentu Baze Dadus Kámara Komérsiu no Indústria Timor-Leste (CCI-TL).

Levantamentu baze dadus importante tebes atu ajuda hodi identifika empreza hira mak iha Timor laran no iha área saida deit. Tamba ida ne'e mak hanesan kna'ar Kámara Komérsiu no Indústria Timor-Leste (CCI-TL) nian, Bazeia bá Rezolusaun Guvernu Nu. 17/2012, 13 Jullu. Tuir Estatuto, fo kompeténsia ba Kámara Komérsiu no Indústria Timor-Leste (CCI-TL) hodi bele halo mos Levantamentu Baze Dadus Emprezarial iha Minisípiu 12 Nomos RAEO’A, Husu mos ba Emprezariu sira hotu atu fó tempu uitoan hodi bele partisipa no rezistu empresa ida-idak hodi nune'e Kámara Komérsiu no Indéstria Timor-Leste (CCI-TL) bele iha dadus kompletu no iha mos informasaun kompletu hodi hato'o ba Guvernu ho objektivu bainhira iha intervensaun ruma husi Guvernu kona ba atividade ekonomia iha rai laran relasiona ho empreza sira husi Kámara Komérsiu no Indústria Timor-Leste (CCI-TL) bele iha informasaun no dadus ne’ebé lolos.